ان غاب عن عيني من الناس غالين
ما أسأل وأقول:
( اللي يبيني يجيني )
اللا انت أبسأل عنك كل العناوين
معقول
أبنسى نور قلبي وعيني !!



قالت: تعاند ؟

قلت: توك عرفتي؟

قالت: بتخسر..

قلت: وش اللي كسبناه!!

قالت: كتبته.

قلت: وش اللي كتبتيه؟؟

قالت: فراقك..

قلت: وقعت أدناه !



جيت أبنساك من بعد الفراق
نازعتني فيك الأشواق
حاولت أنساك
ولقيت نفسي
أشتاق و أشتاق
حاولت..
واشتقت
حاولت..
واشتقت
حاولت..
ونسيت!!
أنا فعلا نسيت

نسيت أهلي
نسيت ربعي
لكن...
نسيت أنساك!!!



أحب الليل
أحب أسهر و أشوف الغيم
أحب أكتب
أحب أرسم
أحب أصرخ..
( حبيبي ويــن؟ )
أحب أعتب
و أساري الزين
أحب أبكي
أحب أضحك
أحبك
لكن انت وين !!!



وين أحطك فيه ؟
القلب مايقوى غلاك
العين تعجز عن رضاك
الروح ذابت في هواك
الشمس ما تاصل مداك
البدر يخجل من بهاك
الليل يستأذن مساك
الكون يصغر في لقاك
( احترت يالغالي معاك )



تبي تجفا؟
تبي تقسى؟
تبي تنسى غرامٍ كان!!
تبي ترحل؟ فمان الله..
توكل لا تحسبها
غرامك مات في قلبي
ولا ظني أنا الغلطان..
حزينه كلمة الفرقا
وبعدك الحين يطربها!!



أبارك لك
وأودع كل دنيا الحب والاحباب
نصيبي بالهوى حبك
( وصرت لواحدٍ غيري ) !!



قالت: أبمشي..
قلت: عفواً على ويــن ؟
قال: أبقفي..
قلت: مرواح جدّي!!
وش صار يعني لابغيتي تقفين؟
بأموت يعني لا نويتي بصدّي ؟
أنا قوّي الباس ماني بمسكين
وأموت أنا في شي أسمه تحدّي
أنا العزيز وماهمني لو تجفين
بترجعين ذليله وتحبين راسي ويدّي..



وراحت تسحب الخطوه
وأنا في ماقفي منعاق
أشوف الروح تتبعها
تحايلها على الرجعه



عزاه يا خلنٍ سعى في عذابي
و أنا عن عيون المخاليق أداريه
مدري نوى خلّي يصفي حسابي!!
ولا يبي يجرب غلاته وتغليه ؟
احترت ما بين الخطا والصوابي
وشلون محبوبي عذابي يسلّيه !!



توني حسبت حساب بعدك وفرقاك
توني دريت اني بدونك ولا شي
خليتني ما بين طيفك وذكراك
عذّبت حالي ليش ما ترفق شوي ؟
ارجع ولو تامر على الروح تفداك
ارجع تراني شفت موتي وأنا حي!



لو قلت لك قصة حياتي بالابيات
كان أدمعت عينك بدل دمعها دم !!
محبوس منها داخل العين عبرات
وقلبي في ذكراها حزين ومغتم
قصة تعاسه، حزن، آلام و آهات
جرح وعذاب القلب هم ورا هم
مكتوب لي أسهر بليلي ولا أبات
أجمع بقايا انسان تاه وتحطم
تاهت بي دروبي بدنيا المتاهات
تايه أدور نور بليل أعتم
أنا قتيل الهم عايش ولا مات
الروح ماتت مابقى غير هالجسم
مرات أنا أشكي وأبكيه مرات
ومرات أقرر أنتحر لكن أندم
حتى الرفيق اللي معي بالمسرات
راح و تركني هون وصد ما أهتم
لكن دواي اليوم نسيان ما فات
يمكن أصلّح شي طاح وتهدّم
هذي حياتي بين حرف و كلمات
ياللي تنشدني وراك انت مغتم !!



ما يموت الحب من طعن السيوف!!
العزيز إن حس بالذل...
( انسحب )



تصدّق صار أنا همّي
يمووت و مايخليني
يجيني حزّة الضحكه
و يقول: ( انسى تكلمها )



حبيبي، فرصتك طافت على قلبك من هبالك
وهي لي تجربه مرّه..
و أنا والقلب تعلّمنا